മലയാളികളുടെ പ്രിയതാരങ്ങളിലൊരാളാണ് മീര നന്ദന്‍. ലാല്‍ ജോസ് സംവിധാനം ചെയ്ത് ദിലീപ് നായകനായി എത്തിയ മുല്ല എന്ന ചിത്രത്തിലൂടെയായിരുന്നു മീരയുടെ സിനിമ അരങ്ങേറ്റം.
അതിനുമുമ്പ് ടെലിവിഷന്‍ പരിപാടികളിലും സ്റ്റേജ് ഷോകളിലുമെല്ലാം അവതാരകയായി മീര കലാരംഗത്ത് സജീവമായിരുന്നു. ചുരുങ്ങിയ കാലയളവില്‍തെന്നിന്ത്യയിലെ എല്ലാ ഭാഷകളിലും അഭിനയിക്കാനും താരത്തിനു ഭാഗ്യമുണ്ടായി.
എന്നാല്‍ സിനിമ ജീവിതത്തിനു ഒരു അവധി നല്‍കി മീര ഒരു പുതിയ കരിയര്‍ തിരഞ്ഞെടുത്തത് 2015 ലായിരുന്നു.
ദുബായിലെ റെഡ് എഫ്എം എന്ന റേഡിയോ സ്റ്റേഷനില്‍ റേഡിയോ ജോക്കിയായി ആയിരുന്നു മീരയുടെ ആ മാറ്റം. നിലവില്‍ ഗോള്‍ഡ് എഫ് എമ്മിലാണ് താരം പ്രവര്‍ത്തിക്കുന്നത്.
സോഷ്യല്‍ മീഡിയയില്‍ സജീവമാണ് മീര. തന്റെ വിശേഷങ്ങളും പുതിയ ചിത്രങ്ങളും എല്ലാം മീരാനന്ദന്‍ സോഷ്യല്‍ മീഡിയകളിലൂടെ ആരാധകര്‍ക്കായി പങ്കുവയ്ക്കാറുണ്ടായിരുന്നു.
ഇപ്പോള്‍ സോഷ്യല്‍ മീഡിയയില്‍ പങ്കു വച്ച വീഡിയോ ശ്രദ്ധേയമാവുകയാണ്.’ കാറില്‍ നിന്നും ഇറങ്ങി പശ്ചാത്തല സംഗീതത്തിനൊപ്പം റാമ്പ് വാക്ക് ചെയ്യുന്ന മീരയാണ് വിഡിയോയില്‍ ഉള്ളത്.
